ಬಚ್ಚಿಟ್ಟ ಹಂಬಲಗಳು ಬೆನ್ನಟ್ಟಿವೆ
ತೆರೆಬಾರದ ತೀರದಲ್ಲಿ ಮೂಡಿದ ಹೆಜ್ಜೆ ಗುರುತೊಂದು
ಮಾಯವಾಗಿದೆ ತಂತಾನೆ
ತಿಳಿದೋ ತಿಳಿಯದೆಯೋ ನಾನು ಸಮಾಧಿಯಾಗಿದ್ದೇನೆ
ಕಳೆದುಹೋದ ಹೆಜ್ಜೆಗಳ ಹುಡುಕಾಟದಲ್ಲಿ
ಬೆಂಕಿ ತಗುಲಿದ ಭಾವನೆಯ ಗೊಂಚಲಿಗೆ
ನೀರ ಚಿಮುಕಿಸುವ ತೃಣ ಪ್ರಯತ್ನ ನನ್ನದು
ಗೆಜ್ಜೆನಾದದ ಹೆಜ್ಜೆಗಧುಡುಕಾಟದಲ್ಲಿ ನಾನು.................

ಮೊಹಬತ್ತಿನ ಗುಲ್ಮೊಹರ್ ಅರಳುವ ಸಮಯ
ಬಾಡಿಹೋದ ಮನ ನಳನಳಿಸುವ ಸಮಯ
ದಾರಿ ಬದಿಯ ಗುಲ್ಮೊಹರ್ ಕೇಳುತ್ತಿದೆ
ಏನಾಗಿದೆ ನಿನಗಿಂದು
ನನಗೂ ನಿಜವೆನಿಸಿದೆ ಅದರ ಮಾತೇ
ಗುಲ್ಲುಗುಲ್ಲಾಗಿರೊ ನನ್ನ ಮನಸೊಳು ಗುಲ್ಮೊಹರ್ ಹೂ
ಅರಳೀತೇ

ಕನಸುಗಳ ಲೊಕದಲ್ಲಿ ವಿಹರಿಸುತ್ತ
ನಕ್ಷತ್ರಗಳೊಂದಿಗೆ ನಲುಗುತ್ತ
ಚಂದಿರನೊಂದಿಗೆ ಹರಟುತ್ತ
ಸಾಗೋಣ ಬಾ ದೂರ ದೂರ

ಕನಸುಗಳಿಗೆ ಕಾವಲಿರು ನೀನು
ದೋಚಬಹುದು ಯಾರಾದರೂ
ಕನಸೆಂದರೆ ಕೇವಲ ಕನಸುಗಳಲ್ಲ
ಸುಪ್ತಮನಸಿನ ಭಾವಗಳು
ಮೂಕಮನದ ನೂರು ರಾಗಗಳು
ಕಲ್ಪನೆಯ ಕಾವ್ಯ ಕುಸುಮಗಳವು ಜೋಪಾನ

ಬರೆದೆ ನೀನು ನಿನ್ನ ಹೆಸರ ನನ್ನ ಕನಸು ಮನಸಲೂ
ನಿನ್ನ ಒಲವ ವರ್ಷಧಾರೆ ನನ್ನ ಮನವ ತಣಿಸಿದೆ
ನಿನ್ನ ಪ್ರೇಮ ನಾದದಿಂದ ಹೃದಯ ತಂತಿ ಮೀಟಿದೆ
ನಿನ್ನೆಲ್ಲ ಕನಸು ನನ್ನದಾಗಿದೆ
ನನ್ನೆಲ್ಲ ಕಲ್ಪನೆ ನಿನದಾಗಿದೆ
ಭೂಮಿಗೆ ರವಿಯಂತೆ ನೀ ನನಗೆ
ಬಾ ಒಮ್ಮೆ ಬಂದು ಸೇರೆನ್ನ ಹೃದಯಸಾಮ್ರಜ್ಯವನು

ಅನಿಸುತಿದೆ ಮನಕಿಂದು ಒಬ್ಬಂಟ್ಟಿಯೆಂದು
ಹೇಗೆ ಸಮಾಧಾನಿಸಲಿ ನಾನಿಲ್ಲಿ
ನೀ ಒಬ್ಬಂಟ್ಟಿಯಲ್ಲವೆಂದು
ಪರಿಪರಿಯಾಗಿ ಪ್ರಯತ್ನಿಸಿ ಸೋತಿರುವೆ ನಾನು
ಅದೆಂದು ದೊರತೀತು ಸಮಾಧಾನ
ಕಾದಿರುವೆ ನಾನು  ಚಾತಕ ಪಕ್ಶಿಯಂತೆ
ರಾಮನಿಗೆ ಕಾದಿರುವ ಶಬರಿಯಂತೆ
ಅಂದು ಕಾದಳು ಶಬರಿ ರಾಮನಿಗಾಗಿ,
ಇಂದು ನಾ ಕಾದಿರುವೆ ನೆಮ್ಮದಿಗಾಗಿ
ನಾನು ಶಬರಿಯೇ
ವ್ಯತ್ಯಸವೇನಿಲ್ಲ ನನಗೂ,ಆಕೆಗೂ
ಆಕೆ ಶಬರಿ, ನಾನು..................

ಮುಸ್ಸಂಜೆಯ ರಾಗಕೆ ಮಳೆಹನಿ ತಾಳವಾಗಿದೆ ಚಿಟ ಪಟ ಸದ್ದು ಎಲ್ಲೆಲ್ಲೂ ತುಂತುರು ಹನಿಗಳ ಶ್ರುತಿಲಯಕೆ ಮನವು ಹಾರಾಡಿದೆ ಹಕ್ಕಿಯಂತೆ ಎಂದೊ ಮರೆತ ಹಾಡು ನೆನಪಾಗಿದೆ ಹೃದಯದಲ್ಲಿ ನೂರಾರು ರಾಗಗಳು ಒಮ್ಮೆಲೆ ತಕಧಿಮಿ ಧಿಮಿಕಿಟ ನೃತ್ಯಕೆ ಹೆಜ್ಜೆಹಾಕಿವೆ ಎದೆಯಲ್ಲೊಂದು ಸರಿಗಮ ಲಹರಿ ಸುಳಿದಿದೆ ತಂತಾನೆ

ಮನದ ಮುಗಿಲಲಿ ಪ್ರೀತಿ ಮಳೆಹನಿ ಚಿಮ್ಮಿಸಿ ಸಾವಿರ ಕನಸುಗಳಿಗೆ ನೀರೆರೆದ ನನ್ನ ಪ್ರೀತಿಯ ಹುಡುಗ ನಿನ್ನೊಲವೇ ಸಾಕು ನೂರೂ ಜನುಮಕೂ ಆದರೂ ಒಬ್ಬಂಟಿ ನಾನಿಲ್ಲಿ ಒಂದಿನಿತು ಸುಮ್ಮನಿರಲಾರೆ ನಿನ್ನ ನೆನಪಾಗದೆ ನಿನಗೆಂದೇ ನೂರಾರು ಓಲೆ ಗೀಚಿ ಮನದಲ್ಲೇ ಪುಸ್ತಕವೊಂದ ಛಾಪಿಸಿರುವೆ ಓದಿ ಅಭಿಪ್ರಾಯ ತಿಳಿಸು ಗೆಳೆಯಾ...

ಮಾತು ಕೇಳದ ಮನಸು
ಕನಸು ಕಾಣುವ ವಯಸು
ಮೂಡಿರಲು ಮನದಲ್ಲಿ ಹೊಸತು ಚಿತ್ತಾರ
ಬಣ್ಣಗಳ ಒಕುಳಿಯಲಿ ಮನವು ನಲಿದಾಡಿ
ಒಲವ ವರ್ಷಧಾರೆಯಲಿ ಮಿಂದು ತೊಯ್ದಿದೆ
ಪನ್ನೀರ ಅಮೃತದ ಕಲಶವ ಹೊತ್ತು ಅವನ ದಾರಿ ಕಾದಿದೆ
ಸ್ವಾಗತಿಸಲು ಮನಸಾರೆ

ಮನಸು ಮಾತಾಡಿದೆ ತಂತಾನೆ
ನನಗೂ ಅರ್ಥವಾಗದ ಮಾತದು
ಅದಾವ ಶಬ್ಧಗಳೋ ತಿಳಿಯುತಿಲ್ಲ
ಅದಾವ ಭಾಷೆಯೋ ತಿಳಿಯುತಿಲ್ಲ
ಅರ್ಥಮಾಡಿಸುವೆಯಾ ಗೆಳೆಯಾ
ಮನಸಿಗೂ ನೀನೇ ಬೇಕಂತೆ
ನಿನ್ನ ಒಡನಾಟ ಬೇಕಂತೆ
ನಿನ್ನ ಕೈ ಹಿಡಿದು ಜೊತೆಸಾಗಬೇಕಂತೆ
ಬರುವೆಯಾ ಜೊತೆಸಾಗುವೆಯಾ

ಹೊಸ ಚೈತನ್ಯ ಮೂಡಿದೆ ಮನಸಲ್ಲಿ
ನಸುನಗು ಮೂಡಿದೆ ಮೊಗದಲ್ಲಿ
ಕಣ್ಣಿಗೆ ಕನಸಕಾಣುವುದೊಂದೇ ಕೆಲಸ
ಬೇರೇನೂ ತೋಚುತಿಲ್ಲ ಮನಕೆ
ನನ್ನ ಮನಸು ನನ್ನೊಳಿಲ್ಲ
ಎಂದೊ ಕೇಳಿದ ಹಾಡಿಗೆ ಈಗ ತಾಳ ಹಾಕುತ್ತಿರುವೆ
ನನ್ನವನ ದನಿಯೇ ಹಿಮ್ಮೇಳ
ಅವನುಸಿರೇ ಸಂಗೀತ
ನಮ್ಮೊಲವೇ ನೂತನ ಪ್ರೇಮ ಕಾವ್ಯ
ಇದಕೆ ಬೇಕಿಲ್ಲ ಯಾವುದೂ ಶ್ರುತಿ ಲಯ

ಮನದ ಮೂಲೆಯಲ್ಲಿ ಬಚ್ಚಿಟ್ಟ ಹಂಬಲಗಳ ಬೆನ್ನಟ್ಟಿ
ಹೊರಟಿರುವೆ ನಾನು
ಜೊತೆಬರುವೆಯೇನು ನೀನು
ಬರುವೆಯಾದರೆ ಬಾ
ಇಬ್ಬರೂ ಜೊತೆ ಸಾಗೋಣ
ಬಚ್ಚಿಟ್ಟ ಹಂಬಲಕ್ಕೆ ನೀರೆರೆದು
ನಿನಗೆ ನಾನು ನನಗೆ ನೀನಾಗಿ
ಭವಿಷ್ಯದ ನವ ಕನಸೊಂದ ಹೆಣೆಯೋಣ
ನನ್ನುಸಿರು ನೀನಾಗಿ ನಿನ್ನೊಲವು ನಾನಾಗಿ
ಸಾಗೋಣ ದೂರ ದೂರ

ಎದೆಯಾಳದಲ್ಲಿ ಮೂಡಿದ ಈ ಭಾವಕ್ಕೆ
ಹೆಸರಿಡ ಹೊರಟ ನನಗೆ ನಾನಾರೆಂದು ತಿಳಿಯುತಿಲ್ಲ
ಆದರೂ ತಿಳಿಯುವ ಪ್ರಯತ್ನದಲ್ಲಿದ್ದೇನೆ
ಅದ್ಯಾವಾಗ ನಾ ನನ್ನ ಮನಸ ಅರಿವೆನೋ
ಅವನೂ ಹಾಗೆ ಅರ್ಥವಾಗದ ಕವಿತೆ
ಬಣ್ಣಿಸಲಾಗದ ಕಾಮನಬಿಲ್ಲು
ನನ್ನ ಮನಸಿನ ಚಿಪ್ಪಲ್ಲಿ ಮುತ್ತಾದ ಮಳೆಹನಿ
ಮನದ ಮಾಮರಕೆ ಇಂಚರವಾದ ಕೋಗಿಲೆ

ಭಾವಬೆಂಕಿಯಲ್ಲಿ ಬೇಯುವ ನೂರಾರು ನೆನಪುಗಳಿಗೆ
ಏನೆಂದು ಹೇಳಲಿ ತಿಳಿಯುತಿಲ್ಲ
ಹೇಗೆ ಸನಮಾಧಾನಿಸಲಿ ನಾನಿಲ್ಲಿ
ಮಾತ ಕೇಳದ ಪೆದ್ದು ಮನಸಿಗೆ
ಮುದ್ದು ಕನಸ ಹೊತ್ತ ನೆನಪಿಗೆ
ಕೇವಲ ಪ್ರಯತ್ನ ಮಾತ್ರ ಮಾಡಬಲ್ಲೆ
ಆದರೆ ಪರಿಹಾರ ಹೇಗೆ ನೀಡಲಿ

ಹೇಳದೇ ಕೇಳದೇ ನೀ ನನ್ನ ಸೆಳೆದೆ
ನಾ ನಿನ್ನ ಪ್ರೀತಿಯ ಬಲೆಯಲ್ಲಿ ಸಿಲುಕಿದ್ದೇನೆ
ನನ್ನ ಮನಸು ಈಗ ನಿನ್ನದು
ನಿನ್ನೆಲ್ಲ ಕನಸು ನನ್ನದು
ಬಾ ಜೊತೆಯಾಗಿ ಭವಿಷ್ಯದ ನವ ಕನಸ ಹೆಣೆಯೋಣ
ನಿನಗೆ ನಾನು ನನಗೆ ನೀನು
ಜೊತೆಯಾಗಿರೆ ಬದುಕು ಹಾಲು ಜೇನು

ಹೇಳು ನೀನು ಕೇಳುವೆ ನಾನು
ಮನಸಲ್ಲೇ ಮಾತಾಡೋಣಾ
ಕನಸ ಹಂಚೋಣ
ಭಾವಗಳ ಬೆಸೆಯೋಣಾ
ಹೊಸ ಜೀವನದ ಭವಿಶ್ಯಕ್ಕೆ ನಾಂದಿ ಹಾಡೋಣ
ಎಲ್ಲ ವಿರಸಗಳ ಮರೆತು

ಹೇಗೆಂದು ಬಣ್ಣಿಸಲಿ ಅಮ್ಮನ ಪ್ರೀತಿಯಾ
ಸಪ್ತ ವರ್ಣಗಳಿಗಿಂತ ಸುಂದರ ಅದು
ಸಪ್ತ ಸಾಗರಕಿಂತ ಆಳ ಅದು
ಯಾರೂ ಸಾಟಿಯಾಗರು ಹೆತ್ತಮ್ಮನಿಗೆ
ನವ ಮಾಸ ಹೊತ್ತು ಹೆತ್ತು ಸಲಹುವಳು
ಸಕಲ ನೋವ ಸಹಿಸುವಳು
ಕಂದನ ನಗುವಲ್ಲಿ ಜಗವನ್ನೇ ಮರೆಯುವಳು
ಪ್ರಣಾಮ ನಿನಗೆ ಓ ಜನನಿ
ಇಚ್ಛಿಸುವೆನಾನು ನಿನ್ನೊಡಲಲ್ಲಿ ಆಟವಾಡಲು ಎಳೆ ಮಗುವಾಗಿ
ಎಲ್ಲ ನೋವ ಮರೆತು
ಕ್ಶಮಿಸು ನನ್ನ ಮಾಡಿದ ತಪ್ಪುಗಳಿಗೆ
ಒಮೊಮ್ಮೆ ನೋಯಿಸಿದ್ದರೆ

ಹೇಳಿ ಹೋಗು ಕಾರಣವ
ನೀ ಹೋಗುವ ಮುನ್ನ
ಬರೆದು ಬಾ ಪತ್ರವ
ನೀ ಬರುವ ಮುನ್ನ
ಯಾಕೆಂದರೆ ನಾನು ನಿನ್ನ ನಂಬಿದ್ದೇನೆ
ನನಗಿಂತಲೂ ಹೆಚ್ಚಾಗಿ
ಮಾತಡದಿದ್ದರೂ ಚಿಂತೆಇಲ್ಲ
ಪ್ರೀತಿಮಾತಾಡಿ ವಂಚಿಸಬೇಡ
ನೋವಿನ ಚಿತೆಗೆ ಮತ್ತೆ ನೂಕಬೇಡ
ನನಗೆ ನೋವೇ ಮನೆ ಮಠ

ಹೇಳಿ ಹೋಗು ಕಾರಣವ
ನೀ ಹೋಗುವ ಮುನ್ನ
ಬರೆದು ಬಾ ಪತ್ರವ
ನೀ ಬರುವ ಮುನ್ನ
ಯಾಕೆಂದರೆ ನಾನು ನಿನ್ನ ನಂಬಿದ್ದೇನೆ
ನನಗಿಂತಲೂ ಹೆಚ್ಚಾಗಿ
ಮಾತಡದಿದ್ದರೂ ಚಿಂತೆಇಲ್ಲ
ಪ್ರೀತಿಮಾತಾಡಿ ವಂಚಿಸಬೇಡ
ನೋವಿನ ಚಿತೆಗೆ ಮತ್ತೆ ನೂಕಬೇಡ
ನನಗೆ ನೋವೇ ಮನೆ ಮಠ

ಶಾಂತ ಮನದಲ್ಲಿ ನೂರಾರು ಆವೇಗ ಕಿಚ್ಚೆಬ್ಬಿಸಿದೆ
ಭಾವನೆಯ ತಳಹದಿ ಹೊಕ್ಕು ನೆಲೆಸಿದೆ
ಎಂದೋ ಮರೆತ ನೋವು ನೆನಪಾಗಿದೆ
ಮನವಿಂದು ತಾನಾಗೆ ನೋವಿನ ಎಳೆಯ ಬಿಚ್ಚಿದೆ
ಪಳೆಯುಳಿಕೆಗೂ ಜೀವ ಬಂದಿದೆ
ಮತ್ತದೇ ಚರ್ಮ ಮಾಂಸ ರಕ್ತ ಮೂಡುತ್ತಿದೆ
ಅಕ್ಶಿಪಟಲ ಹರಿದೇ ಹೋಗುವಂತೆ ಮನಸು ಮರುಗುತ್ತಿದೆ
ಹೇಗೆ ಸಮಾಧನಿಸಲಿ ಒಂಟಿಯಾಗಿ ನಾನಿಲ್ಲಿ

ಆನಿಸುವ ಮೊದಲೆ ಮನದಲ್ಲಿ ಮೂಡಿದ
ಈ ಭಾವಕ್ಕೆ ಭರಿಸಲಾಗದ ಬೆಲೆ ನೀಡಿ
ಕನಸಲ್ಲಿ ಮೂಡಿದ ಚಿತ್ರಕ್ಕೆ ಮೂರ್ಥ ರೂಪ ನೀಡಿ
ನೆನಪಿನ ಪಳೆಯುಳಿಕೆಯ ಗಂಟಿಗೆ ಸೇರಿಸಿದ್ದೇನೆ
ಅರಿತೊ ಅರಿಯದೆಯೊ ಮೂಡಿದ ಚಿತ್ರಕ್ಕೆ ಯಾವ ಬಣ್ಣ ತುಂಬಲಿ ನಾನು

ಮನವಿಂದು ಹಾರಾಡಿದೆ ಹಕ್ಕಿಯಂತೆ
ಹಳೆಯ ನೊವ ಮರೆತು
ಕಲ್ಪನೆಯೊಂದು ಮೂಡಿದೆ ಕನಸಂತೆ
ನೆನಪುಗಳು ಹಾರಾಡಿವೆ ಗಾಳಿಗೆ ತೂರಿ
ಕಟ್ಟಿದ್ದೇನೆ ನಾನೊಂದು ಕನಸಿನ ಸೌಧವ
ಹೊಸ ಭಾವನೆಯ ಇಟ್ಟಿಗೆಯಲ್ಲಿ
ನಂಬಿಕೆಯೆಂಬ ಪಾಯ ಹಾಕಿ

ಭಾರವಾದ ಮನಸು ಹೊತ್ತು
ಭವಿಷ್ಯದ ನವ ಕನಸಿಗೆ ಬೆಂಕಿ ಹಚ್ಚಿ
ಭಾವನೆಗಳೆಲ್ಲವ ಮೂಟೆ ಕಟ್ಟಿ
ಅಟ್ಟದಮೇಲೆ ಬಚ್ಚಿಟ್ಟಿದ್ದೇನೆ
ಎಂದಾದರೂ ಬೇಕಾಗಬಹುದೆಂದು
ಮುಂದೊಮ್ಮೆ ಹೊಸ ಕನಸ ಹೆಣಿಯಲೆಂದು

ನಾನೇನು ಮಾಡಲಿ ಇಂದು
ನೆನಪಿನ ಸುರುಳಿ ಮತ್ತೆ ಬಿಚ್ಚಿದೆ
ಮರೆತೆನೆಂದರೊ ಮರೆಯದ ಮೌನದ ಹಾಡು ಮತ್ತೆ ಮತ್ತೆ ನೆನಪಾಗಿದೆ
ಏಕೊ ಗೊತ್ತಿಲ್ಲ ನಾನು ನಾನಗಿಲ್ಲ
ಕಾಣೆಯಾಗುತ್ತಿದ್ದೇನೆ ತಂತಾನೆ
ನೆನಪುಗಳ ಮಳೆಯಲ್ಲಿ ತೊಯ್ದು
ಕನಸುಗಳ ಕಡಲಲ್ಲಿ ಮಿಂದು

ಬೇಸರದ ಸಂಜೆಯಲಿ ಹೊತ್ತೇ ಕಳೆಯುತಿಲ್ಲ
ಭಾವನೆಯ ಪೆಟ್ಟಿಗೆಗೂ ಬೀಗ ಹಾಕಿರುವೆ ನಾನು
ಹೇಗೆ ಸಮಧಾನಿಸಲಿ ಮನಸ
ಶಬ್ಧಗಳು ಸಿಗುತಿಲ್ಲ
ಆದರು ಪ್ರಯತ್ನಿಸುತ್ತಿದ್ದೇನೆ
ಸಮಾಧಾನಿಸುತ್ತಿದ್ದೇನೆ ತಾಯಿ ಮಗುವ ಸಮಾಧಾನಿಸಿದಂತೆ
ನನಗೆ ನಾನೇ
ಸ್ವಯಂ ಸಮಧಾನ ಅಪರಾಧವಲ್ಲ
ಸಣ್ಣ ಹುಲ್ಲು ಕಡ್ಡಿಯಾದರೂ ಚಿಗುರೀತು ಆಶಾವಾದದ ಕಿಡಿಗೆ

ಪುಟ್ಟ ಕಂದನ ಮೊಗದಲ್ಲಿ ಅದೆಂತಹ ಚೆಲುವು
ಆಗಸದ ಚಂದ್ರನನ್ನೂ ನಾಚಿಸುವುದು
ಪುಟ್ಟ ಕಾಲ್ಗಳ ಗೆಜ್ಜೆ ನಾದಕ್ಕೆ ತಲೆದೂಗಬೇಕು ನಾವುಗಳು
ಆ ಮೊಗದಲ್ಲಿ ದ್ವೇಷವಿಲ್ಲ,ಅಸೂಯೆ ಇಲ್ಲ
ಬರಿಯ ಮುಗ್ಧತೆ ಪ್ರಶಾಂತತೆ
ಜಗತ್ತಿನ ಪಾಪಗಳ ಅರಿವಿಲ್ಲ
ಅದರ ಲೋಕದಲ್ಲಿ ಅಮ್ಮ ಒಬ್ಬಳೇ
ನಾವೂ ಇದ್ದೇವೆ ಪಾಪಕೂಪಲ್ಲಿ
ದ್ವೇಷ ಅಸೂಯೆಯ ಲೊಕದಲ್ಲಿ

ಮುಂಜಾನೆ ಮಂಜಲ್ಲಿ ಚುಮುಚುಮು ಚಳಿಯಲಿ
ಶುಕ ಪಿಕಗಳ ಇಂಚರದಲ್ಲಿ
ವಸುಂಧರೆ ಹೊಸ ಸೀರೆ ಉಟ್ಟು
ನವ ವಧುವಿನಂತೆ ಸಿಂಗರಿಸಿಕೊಂಡಿದ್ದಾಳೆ
ಯಾವ ಮದುಮಗಳಿಗೂ ಕಡಿಮೆ ಇಲ್ಲ
ಇಲ್ಲಿ ಆಗಸವೇ ಚಪ್ಪರ ಮದುವೆಮನೆಗೆ
ಹಕ್ಕಿ ಪಕ್ಕಿಗಳೇ ಬಂಧು ಬಳಗ
ಹಣ್ಣು ಹಂಪಲೆ ಸಿಹಿ ತಿನಿಸುಗಳು
ಸಿಹಿ ಜೇನೇ ಪಾನೀಯಗಳು
ಬನ್ನಿ ಸವಿಯೋಣ ಮನುಜ ಮತವೆಲ್ಲ ಒಂದಾಗಿ
ಮೇಲು ಕೀಳೆಂಬ ಸಂಕೋಲೆಯ ಕಳಚಿ

ಹೇಳದೆ ಕೇಳದೆ ಮನಸಿನ ಕದ ತಟ್ಟಿದ
ಆ ನೂರು ಭಾವಕ್ಕೆ ನಾ ಎನೆನ್ದು ಹೆಸರಿಡಲಿ
ಮನಸೀಗ ಮಾತ ಕೇಳುತಿಲ್ಲ
ಅದಕ್ಕೆ ನೆಮ್ಮದಿ ಬೆಕನ್ತೆ
ಅದೆಲ್ಲಿನ್ದ ನಾ ಕಡ ತರಲಿ
ಅದೇನು ಮಾರುಕಟ್ಟೆಯ ಸಗಟೇ

ಮುಳುಗಿದ್ದೇನೆ ಅದಾವುದೋ ಲೋಕದಲ್ಲಿ
ಭಾವನೆಗಳ ತೊಳಲಾಟದಲ್ಲಿ
ಅಪ್ಯಾಯಮಾನವಾದ ನೆನಪುಗಳ ಸರಣಿಯೊಳಗೆ ಸಿಲುಕಿ
ಹಕ್ಕಿಯನ್ತೆ ಹಾರಲು ಮನ ತವಕಿಸುತಿದೆ
ಆದರೆ ಮನಸಿಗೆ ರೆಕ್ಕೆ ಪುಕ್ಕ ಇಲ್ಲವಲ್ಲ
ಕಳೆದುಹೋದ ಮನಸಿನ ಹುಡುಕಾಟದಲ್ಲಿ ನಾನು

ನಿನ್ನಲ್ಲೆ ಹುದುಗಿದೆ ಜೀವ
ನೀ ಅದವಾಗ ಅರಿವೆ ನನ್ನ ಭಾವನೆಗಳ ತೊಳಲಾಟವನ್ನು
ಕಾರಣ ನಾ ಕೇಳಿಲ್ಲ ನೀನೂ ಹೇಳಿಲ್ಲ
ತಿಳಿದೊ ತಿಳಿಯದೆಯೊ ನಾನು ಅಸುನೀಗಿದ್ದೇನೆ
ಕಳೆದುಹೋದ ಭಾವನೆಗಳ ಹುಡುಕಾಟದಲ್ಲಿ

ನಿನ್ನಲ್ಲೆ ಹುದುಗಿದೆ ಜೀವ
ನೀ ಅದವಾಗ ಅರಿವೆ ನನ್ನ ಭಾವನೆಗಳ ತೊಳಲಾಟವನ್ನು
ಕಾರಣ ನಾ ಕೇಳಿಲ್ಲ ನೀನೂ ಹೇಳಿಲ್ಲ
ತಿಳಿದೊ ತಿಳಿಯದೆಯೊ ನಾನು ಅಸುನೀಗಿದ್ದೇನೆ
ಕಳೆದುಹೋದ ಭಾವನೆಗಳ ಹುಡುಕಾಟದಲ್ಲಿ

ನಿನ್ನಲ್ಲೆ ಹುದುಗಿದೆ ಜೀವ
ನೀ ಅದವಾಗ ಅರಿವೆ ನನ್ನ ಭಾವನೆಗಳ ತೊಳಲಾಟವನ್ನು
ಕಾರಣ ನಾ ಕೇಳಿಲ್ಲ ನೀನೂ ಹೇಳಿಲ್ಲ
ತಿಳಿದೊ ತಿಳಿಯದೆಯೊ ನಾನು ಅಸುನೀಗಿದ್ದೇನೆ
ಕಳೆದುಹೋದ ಭಾವನೆಗಳ ಹುಡುಕಾಟದಲ್ಲಿ

ಮರೆಯದ ಹಾಡು:

ಮರೆಯದ ಹಾಡು ಮನಸಲ್ಲಿ
ಕಾಣದ ಕವಿತೆ ಕನಸಲ್ಲಿ
ಮನದಾಳದಲಿ ಮೂಡಿದ ಕನಸು
ಸಾವಿರಾರು ಭಾವಕ್ಕೆ ಸಾಕ್ಶಿ ಆಗಿದೆ
ಹೆಳದೆ ಕೆಳದೆ ಮೂಡಿದ
ಕನಸಿಗೆ ಹೊಣೆ ಯಾರು?
ನಾನಾ,ಅವನಾ.

ಮರೆಯದ ಮೌನದಲಿ ಅವುಡುಗಛ್ಹಿದ ನೂರಾರು ಪಳೆಯುಳಿಕೆಗಳು
ಮೂಕ ಪಕ್ಶಿಯ ಮೌನ ರೊಧನಕೆ ಸಾಕ್ಶಿಯಾಗಿವೆ ನೆನಪುಗಳು
ತಿಳಿದೊ ತಿಳಿಯದೆಯೊ ನಾನು ಸಮಾಧಿಯಾಗಿದ್ದೆನೆ
ಭಾವನೆಗಳ ತೊಳಲಾಟದ ತೆಕ್ಕೆಯಲ್ಲಿ.

ಮರೆಯದ ಹಾಡು:

ಮರೆಯದ ಹಾಡು ಮನಸಲ್ಲಿ
ಕಾಣದ ಕವಿತೆ ಕನಸಲ್ಲಿ
ಮನದಾಳದಲಿ ಮೂಡಿದ ಕನಸು
ಸಾವಿರಾರು ಭಾವಕ್ಕೆ ಸಾಕ್ಶಿ ಆಗಿದೆ
ಹೆಳದೆ ಕೆಳದೆ ಮೂಡಿದ
ಕನಸಿಗೆ ಹೊಣೆ ಯಾರು?
ನಾನಾ,ಅವನಾ.